ਭ੍ਰਿਸ਼ਟਾਚਾਰ

Share on facebook
Facebook
Share on whatsapp
WhatsApp
Share on twitter
Twitter
Share on google
Google+
Share on email
Email

 

ਜੀਣਾ ਹੁਣ ਦੁਸ਼ਵਾਰ ਹੋ ਗਿਆ
ਥਾਂ ਥਾਂ ਭ੍ਰਿਸ਼ਟਚਾਰ ਹੋ ਗਿਆ
ਸੰਵਿਧਾਨ ਦੇ ਰਾਖਿਆਂ ਕੋਲੋਂ
ਸੰਵਿਧਾਨ ਬਲਤਕਾਰ ਹੋ ਗਿਆ
ਜਨਤਾ ਤੋਂ ਪਾਸਾ ਵੱਟੀ ਜਾਂਦੇ
ਲੀਡਰ ਥੁਕ ਕੇ ਚਟੀ ਜਾਂਦੇ
ਚੋਰਾਂ ਤਾਈਂ ਪੁਲਸ ਫੜੇ ਨਾ
ਚਲਾਣ ਲੋਕਾਂ ਦੇ ਕੱਟੀ ਜਾਦੇ
ਮਿਹਨਤ ਕਰਕੇ ਖਾਣਾ ਔਖਾ
ਏਥੇ ਡੰਗ ਟਪਾਉਣਾ ਔਖਾ
ਕਾਲਾ ਧਨ ਕੀ ਮਿਲਣਾ ਸੀ
ਅਪਣਾ ਧਨ ਬਚਾਉਣਾ ਔਖਾ
ਬਾਬੇ ਹੁਣ ਵਿਓਪਾਰੀ ਹੋਗੇ
ਜੋਗੀ ਵੀ ਸਰਕਾਰੀ ਹੋਗੇ
ਗੋਲਕ ਖਾਤਰ ਹੋਣ ਲੜਾਈਆ
ਧਰਮੀ ਕਾਰੋਬਾਰੀ ਹੋਗੇ
ਕਿਰਤੀ ਲਗੇ ਜ਼ਹਿਰ ਖਾਣੇ
ਮਜ਼ਦੂਰੀ ਪਏ ਕਰਨ ਨਿਆਣੇ
ਸਾਰੇ ਮੁਲਕ ਦੇ ਪੈਸੇ ਉਪਰ
ਹਾਵੀ ਹੋਏ ਚੰਦ ਘਰਾਣੇ
ਵੋਟਾਂ ਵੇਲੇ ਸਾਰੇ ਆਉਦੇ
ਇੰਕਲਾਬ ਦੇ ਨਾਰੇ ਲਾਉਂਦੇ
ਫੜ ਫੜ ਗੁਟਕੇ ਹੱਥਾਂ ਦੇ ਵਿਚ
ਵੱਡੀਆ ਵੱਡੀਆ ਸੌਹਾਂ ਖਾਂਦੇ
ਲੋਕੀ ਪਾਵਣ ਹਾਲ ਦੁਹਾਈ
ਹਾਏ ਮੰਹਿਗਾਈ ਹਾਏ ਮੰਹਿਗਾਈ
ਗਧੇ ਦੇ ਸਿਰ ਤੇ ਸਿੰਗਾਂ ਵਾਂਗੂ
ਏਹ ਨਾਂ ਮੁੜਕੇ ਦੇਣ ਦਿਖਾਈ
ਹਿੰਦੂ ਮੁਸਲਮਾਨ ਦੇ ਨਾ ਤੇ
ਗੀਤਾ ਕਦੇ ਕੁਰਾਨ ਦੇ ਨਾ ਤੇ
ਬੰਦਿਆਂ ਨੂੰ ਉਲਝਾ ਕੇ ਰਖਿਆ
ਏਹਨਾ ਨੇ ਭਗਵਾਨ ਦੇ ਨਾ ਤੇ
ਕੁਝ ਨਾ ਕੁਝ ਤੇ ਪੈਣਾ ਕਰਨਾ
ਮੈਨੂੰ ਕੀ ਨਹੀਂ ਕਹਿ ਕੇ ਸਰਨਾ
ਆਖਰ ਇੱਕ ਦਿਨ ਮਰਨਾ ਹੈ ਜਦ
ਰੋਜ਼ ਰੋਜ਼ ਕਿਓਂ ਡਰ ਡਰ ਮਰਨਾ
ਹੁਣ ਨਾ ਭਾਣਾ ਮੰਨਕੇ ਸਰਨਾ
ਸਿਰ ਤੇ ਕੱਫ਼ਣ ਬੰਨਕੇ ਸਰਨਾ
ਡੰਗਦੇ ਜਿਹੜੇ ਸਾਡੀਆਂ ਸੱਧਰਾਂ
ਮੂੰਹ ਇੰਨ੍ਹਾਂ ਦੇ ਭੰਨਕੇ ਸਰਨਾ

ਲੇਖਕ : ਸੋਨੂੰ ਮੰਗਲ਼ੀ

ਕੈਨੇਡਾ ਸਰਕਾਰ ਵਲੋਂ ਐਮਰਜੰਸੀ ਵੇਜ ਅਤੇ ਰੈਂਟ ਸਬਸਿਡੀ ਜੂਨ ਤੱਕ ਜਾਰੀ ਰੱਖਣ ਦਾ ਫੈਸਲਾ

  ਔਟਵਾ : ਕੈਨੇਡਾ ਸਰਕਾਰ ਵੱਲੋਂ ਮਹਾਂਮਾਰੀ ਦੌਰਾਨ ਕਾਰੋਬਾਰੀਆਂ ਨੂੰ ਆਰਥਿਕ ਰਾਹਤ ਪਹੁੰਚਾਉਣ ਖ਼ਾਤਰ ਆਰੰਭੀਆਂ ਵੇਜ ਸਬਸਿਡੀ ਅਤੇ ਰੈਂਟ ਸਬਸਿਡੀ

Read More »